En Teenses pola Igualdade temos o pracer de convidar ás nosas persoas socias a unha interesantísima e educativa charla que impartirá a Doutora Charo Vázquez, especialista en Medicina de Familia.

A doutora ofrecerá consellos valiosos sobre todo aquilo que inflúe para acadar un benestar físico e psíquico óptimo, ademais de resolver dúbidas e inquedanzas das persoas asistentes. Esta actividade enmárcase no recoñecemento que facemos en febreiro ao Día Internacional da Muller e da Nena na Ciencia, pondo de relevo o papel esencial das mulleres científicas, neste caso na rama da medicina.

Data e lugar:

* Día: 27 de febreiro de 2025
* Hora: 20:15
* Lugar: Casa Común de Cacheiras (Travesía de Cacheiras 38)

Agardámosvos para compartir un espazo de aprendizaxe, diálogo e coñecemento, co obxectivo de mellorar a nosa calidade de vida a través de hábitos saudables e información contrastada. Non faltes!

Teenses pola Igualdade
_Traballando por un futuro máis equitativo._